ESKORBUTO

Eskorbuto 1980-an sortu zen Santurtzin. PUNK mugimendu sortuberriak Euskal Herriko lurraldeetan eragina zuelarik, mugimendua horren eraginez sortu zen Eskorbuto, "guztiaren etsai".
Lagun gutxiko taldea zen, etsai asko zituena, eta erlazio onak oso gutxi. Beraien ospea bertso gutxi batzuei zor zaie. Horretaz gain beraien bertso bat "soy amigo de lo ageno"-k esplikazio erraz bat du, La Polla Records taldeari gitarrak lapurtzen ibiltzen baitziren Eskorbutoko kideak.

Taldeideak:

Juanma - Baxua eta ahotsa
Iosu - Gitarra eta ahotsa
Paco - Bateria

Zailtasun handiak izan zituen taldea da Eskorbuto, horren adibidetzat dugu, 1983-an Madrila kontzertu bat ematera zijoazela atxilotuak izan zirenekoa, "ETA" eta "Maldito pais España" kantuengatik hain zuzen ere. Lege antiterrorista ezarri zitzaien, eta gartzela zigorra bete zuten. Gartzelan zeudela Euskal Herriak abandonatu zituela sentitu zuten, eta sentimendu horretatik sortu zuten "A la mierda el Pais Vasco" kanta. Kanta hau RIP taldearekin batera ateratako "Zona Especial Norte" diskan kaleratu zuten, eta kanta hau zela medio Euskal lurraldeetan kontzertuak emateko zailtasunak izan zituzten.

Lehen albuma 1985-ean kaleratu zuten "Eskozofrenia" izenaz, diskahori kaleratu eta segidan Euskal Herritik kanpoko kontzertuak ematen hasi ziren.
Hurrengo urtean "Anti-todo" diska kaleatu zuten, garaiko Punk diskarik baloratuenetakoa bihurtu zena. Urte berean zuzenean grabaturiko "Impuesto revolucionario" diska kaleratu zuten.
Handik urte betera "Los demenciales chicos acelerados" lana kaleratu zuten, eta 1988-an autoproduzitutako diska bat kaleratu zuten, "Las mas macabras de las vidas".

Beraien hasierak zailatasun handiak izan harren zailtasun handienak 1992-an iritsi ziren, heroina zela eta Iosu eta Juanma hil egin ziren. Hil ziren momentuan biek zuten droga utzia, baina bihotzeko arazoak zirela eta zendu ziren. Iosu 1992-ko maiatzaren 31-an eta Juanma urte bereko urriaren 8-an.

Bi taldekide hil ziren, baina beraiek zioten bezala "Anti-todo" ziren, eta bizirik jarraitzen zuen Pacok bere garaian esan zuen bezala "abandonar eskorbuto en estos momentos seria una klara victoria para nuestros enemigos... y eso jamas". Horrek erakusten zuen bere taldearekin jarraitzeko gogoa.

Honela ba 1994-an "Aki no keda ni Dios" kaleratu zuen, Iosu eta Juanmak hil aurretik idatziriko kantez osatua. Taldea jarraitzeak protetak eragin zituen, eta horrek eman zion amaiera taldeari, "Kalaña" eta "Decadencia" diskak kaleratu ondoren.

Diskografia:
Primeros ensayos (1982)
Jodiendolo todo (1983)
Que corra la sangre (1984)
Zona Especial Norte (1984)
Eskizofrenia (1985)
Anti todo (1986)
Ya no quedan mas cojones, eskorbuto a las elecciones (1986)
Impuesto revolucionario (1986)
Los demenciales chicos acelerado (1987)
Las más macabras de las vidas (1988)
Demasiados enemigos (1991)
Aki no keda ni dios (1994)
Kalaña (1996)
Decadencia (1998)

Eta orain ohitura bezala beraien "Cerebros destruidos" kantua:

Perdida la esperanza,
perdida la ilusión
Los problemas continuan
sin hallarse solución

Nuestras vidas se consumen,
el cerebro se destruye
Nuestros cuerpos caen rendidos
como una maldición

El pasado ha pasado
y por él nada hay que hacer
El presente es un fracaso
y el futuro no se ve

La mentira es la que manda,
la que causa sensación
La verdad es aburrida,
puta frustración

Prefiero morir
como un cobarde
Que vivir cobardemente
Nuestras vidas se consumen,
el cerebro se destruye
Nuestros cuerpos caen...

Eta beraien esaldi batzuk:

Nunka dudes de las kosas k pasan en la oskuridad, ke hasta tu sombra te abandona. estas kompletamente solo ante lo deskonocido.

los problemas los crean los profesores a sus alumnos, realmente solo existe un problema, y el problema es ke solo se muere una vez. trankilo, no te des prisa en resolverlo.

no hemos hecho nada nuevo, pero si distinto. eskorbutin es: animo grupo unido, jamas sera vencido animo chavales.

no hagas nada de lo ke despues te arrepientas, ni te arrepientas despues por no haberlo hecho.
muchos dicen: este mundo es un valle de lagimas, y nosotros no paramos de reirnos.

en mis labios no hay sonrisa y mis ojos en el espejo reflejan la losa.

somos la banda mas honrada que a pisado el planeta en millones de años.

el Rock Radical Vasco nace en nosotros, los demas son malos imitadores. nunca llegaran a tener la radikalidad y bestialidad de un grupo como el nuestro.

abandonar eskorbuto en estos momentos seria una clara victoria para nuestros enemigos... y eso jamas (Pako Eskorbuto despues de la muerte de Iosu y Juanma).

trabajos sucios se convierten en arte, si tienes la ley de tu parte. quee la ley no es justa, nadie lo duda. ser pobre, ese es el delito o... lo dudas!!

DEJAD QUE LOS NIÑOS SE ACERQUEN A ESKORBUTO!!

DELIRIUM TREMENS

Delirium Tremens da gaurko taldea, Mutrikun sortua. Talde hau 1987-an sortu zen, Rock musika sortuaz, eta iraupen motzenetakoa izan duen taldea da, baina iraupen motz horrek hainbat kantu ezagun utzi ditu Delirium Tremens-en oinatze bezala. R

Taldea 1987-an sortu zen lehenago esan bezala, hirukote gisa. "Oihuka" diskoetxearekin egin zuten kontratua, eta Zarrapo talde naparrarekin batera Euskal Rock Radikalaren mugimenduan sartuko zituen diska kaleratu zuten, "Hemen denak berdinak dira". Bost kantu exkaxez osatutako diska hau izan zen mugimenduan sartuarazi zituena, beraz aldarrikapenez betetako diska behar zuen izan, eta entzun dugunok badakigu baietz.

Bi urteren buruan, hots, 1989-an, beraien lehen lana kaleratu zuten, guzitoi aski ezaguna egiten zaigun "Ikusi eta ikasi". Ezagunena dugu diska hau, hamar kantuz osatua, eta horien artean beren kanta ezagunenekin, hala nola, "Ikusi eta ikasi", "Boga-Boga" eta beste hainbat.

Urte berean Italia, Gales eta Euskal Herrian bertan kontzertuak ematen hasi ziren, entzuleak bereganatuz.

Beste taldeekin hainbat harreman izan zituzten, baina garrantzitsuena Kortatu-rekin zutena zen. Laguntasun horretatik, eta 1988-an Kortatu taldea desegitetik sartu baitzen Iñigo Muguruza Delirium Tremens taldean 1990-ean, gitarjole gisa. Gainera Kortatuk bere azken kontzertua Delirium Tremens-ekin jo zuen Iruñan

Urte berean laukoteak "Hiru aeroplano" diska kaleratu zuen.

Muguruza anaien Esan Ozenki diskoetxearekin kaleratu zuten beraien azken lana, "Bilbo zuzenean 91-5-24", diskaren izenak dioen bezala zuzeneko diska da, beraien azkeneko kontzertuarena hain zuzen ere.

Taldekideak hauexek ziren:

Andoni- Ahotsa eta gitarra

Patxi- Baxua

J.J. Yurrita- Bateria

Iñigo Muguruza- Gitarra

Eta diskak:

Hemen denak berdinak dira-Oihuka (1987)

Ikusi eta ikasi- Oihuka (1989)

Hiru aeroplano- Esan Ozenki (1990)

Bilbo zuzenean. 91-5-24- Esan Ozenki (1991)

Eta bukatzeko, ohitura bezala, kantu bat, Ezin leike :

Noiz arte jarraitu beharko dugu ikusten

horrenbeste uniforme kalean zehar lasai pasiatzen

eta honela ezin leike hemen ibili

ezin leike bizi, ezin leike inondik inora gustora ibili

eta honela ezin leike, ezin leike hemen bizi.

Noiz arte jarraitu beharko dugu ikusten

jendea izorratzeko gogoa besterik ez daukate

eta honela ezin leike hemen ibili

ezin leike hemen bizi, horrenbeste pasma, ertzaina eta pikolo ikusi

eta honela ezin leike,

ezin leike hemen bizi.

Eta honela ezin leike hemen ibili

ezin leike hemen bizi,

Eta honela ezin leike inondik inora

gure gauzak gure gustora adierazi

eta honela ezin leike

ezin leike hemen ibili

ezin leike hemen bizi

CICATRIZ (EN LA MATRIZ)

Gaurkoan Gasteizko talde bat aurkeztuko dugu, 1983-an desintoxikazio zentru batean talde terapia bezala sortu zena, izenburuan jartzen duen bezala Cicatriz en la matriz.

Hasieran Natxo Etxebarrieta eta Poti (neska laguna) ziren taldeko abeslari, Pepin gitarjolea zelarik, Pakito Rodrigo baxua eta Pedro Landatxe bateriaren arduradun. Poti zela eta zetorkion Cicatriz en la matriz izena. Honela ba 1984-ean beraien lehen maketa grabatu zuten Iruñan, beraien kanta ezagun batzuekin, adibidez "botes de humo", "cuidado burócratas" eta "aprieta el gatillo". Maketa grabatu eta gutxira Potik taldea utzi zuen, eta taldearen izena Cicatriz-era laburtu zen.

1985-ean diska bat grabatu zuten Jotakie, Kortatu eta Kontuz hi! taldeekin batera, "el disco de los cuatro" bezala ezaguna.
1983-an sortu izanak eta etengabeko probokaziozko kantuek sartu zuten Euskal Rock Radikala zeritzan mugimenduan, eta pixkanaka beraien soinua ezagunago zen euskal lurraldeetan.

1986-an beraien lehen LP-a grabatu zuten, Elkar estudioetan, Potato taldeko Jean Phocas soinu teknikari lanetan eta Hertzainak-eko Josu Zabala produktore gisa. Hortik sortu zen "Inadaptados" diska, urteko baloratuenetakoa Egin egunkariaren irakurleen arabera.

Bi urte geroago taldeak etenaldi bat izan zuen, izan ere Natxo Etxebarrietak moto istripu bat izan zuen eta ebakuntza egin behar zitzaion. Natxo ez zen guztiz errekuperatu, izan ere hanketan mobilitatea galdu zuen, eta muletakin ibiltzera behartu zuten. Aldi berean Natxo Etxebarrieta gartzelaratu zuten narkotrafikoan aritzeagatik. Holandatik zekarren speed substantzia aurkitu zioten, hala ba, 4 urte, 2 hilabete eta egun bateko gartzela zigorra ezarri zioten

1991-an kaleratu zuten beraien bigarren lana, "4años, 2 meses y 1 dia" izenarekin, jasotako zigorraren berdina.

Urte berean Pepin heroina gaindosia zela eta hil zen, eta Goar Iñurretak ordezkatu behar izan zuen. Bestalde Natxok indemnizazio bat jaso zuen moto istripuagatik, eta diru horrekin Londresen grabatutako diska ordaindu zuten, eta bere diskoetxea ireki zuen: Zika Records.

1992-an kaleratu zuten beraien azkeneko lana "Colgado por ti" izenekoa.
Hurrengo urtean zoritxarrez Pakito hil zen HIES-a zela eta, eta Natxo eta Pedrok ere bazutena.

1994-an Diegillok Pakitoren lekua harturik, beraien azken gira egitea erabaki zuten, baina Pedro Landatxe HIES-a zela eta oso ahul sentitzen zenez Pedro Fernandezek ordezkatu zuen. Honela gira egin ahal izan zuten eta "En directo" diska grabatu.

Gutxira zoritxarrez Natxo eta Pedro Landatxe HIES-ak jota hil ziren, eta honek eman zion amaiera taldeari, 11 urteko historia bat utziz euskal musikaren panoraman.

Hona hemen grabatutako diskoak:

Cicatriz en la matriz - Maketa (1984)
Inadaptados (Oihuka, 1986)
4 años, 2 meses y 1 día (Zika Records, 1991)
Colgado por ti (Zika Records, 1992)
En directo (Zika Records, 1994)

Hona hemen Gatillazo taldeak Cicatrizen ohoretan egindako kantua:

hay un grupo en la ciudad,
que se llama cicatriz
el mas makarra él...
el mas marika....
la gente que nos ved
icen que son lo mejor
el mas chulo
el pakito el nacho el mas cabron,
y emos llegau somos de aqui,
somos los cicatriz.

enemigo al publico numero uno
que si no aguantas que te jodan un culo,
sin encontrar un puto oficio porque eres carne de...
que hacen que hacen te preguntas
no bas a SER UN PARDILLO
que hacen que hacen aprieta el GATILLO...


Cicatriz talde gasteiztarra da zalantzarik gabe euskal musikak eman duen talde erradikalenetakoa, eta PUNK musika eta mugimenduaren adibide garbia, beraien espresioak gorrotozkoak, probokaziozkoak eta kritikazkoak baitziren batik bat.

ABENDUAK 3: EUSKARAREN EGUNA

Blog honek 80-90 bitarteko mugimendu musikalari buruz hitz egin arren, gaur zerbait bereziagoaz idatziko dugu, EUSKARAREN EGUNAri buruz hain zuzen ere.

Urtero bezala, abenduak 3-an, Euskararen Eguna ospatu da. Hainbat erakunde eta udalek ekitaldiak antolatu dituzte euskaltzaleentzat. Udal eta erakundeen ekitaldiak antolatu bai, baina euskaltzaleak eta euskaldun gutxiago dira bertara joaten direnak.

Euskaltzale eta euskaldunek ospatzen ez badute egun hau, zeinek ospatuko du? Gaur egungo jendea(orokortu gabe), eta gazteria batez ere (hau ere orokortu gabe), iparra galduta dabil. Beraiena den hizkuntza minoritario honen eguna ospatzen ez bada, eta euskaldun egiten gaituen ezaugarri bereizgarrienaren eguna ospatzen ez bada, ez dugu zer defendatu.

Gurea dena defendatzen ez badugu, ez du inork egingo, eta denborarekin hizkuntza hau, Euskara, galtzen bada, zer izango da euskaldun egiten gaituena?

Honekin esan nahi dut, gurea defendatzen jarraitu behar dugula eta gure hizkuntzaren eguna ospatu behar dugula, gutxienez kontzientziatzeko, ez baitu balio euskalduna zarela esateak euskaraz hitz egiten ez baduzu.

EUSKARAREN EGUN ZORIONTSUA EUSKALDUN GUZTIOI!!

BARRICADA

Gauerkoan beste talde batekin natorkizue, musikaren munduan bere oinatzea utzi duen, eta oholtza gainean jarraitzen duen talde bat. Talde hau Barricada da.

1982-an Iruñako Txantrea auzoan sortu zen taldea, eta espainiar estatu osoan ezaguna da. Mugimenduko talde zaharrenetakoa dugu Barricada, eta gaur egun ere zutik dirau, auskalo zenbat urte gehiagoz eszenatokietan beraien kantu aski ezagunak joaz, horien artean denok ezagutzen dugun "No hay tregua" edota "Oveja negra"

Taldekideak:

El drogas: Ahotsa eta baxua

El Boni: Ahotsa, koruak eta gitarra

Ibi: Bateria

Alf: Ahotsa, koruak eta gitarra

Talde honek Rock-a eta Hard Rock-a (Rock gogorra) lantzen ditu. Sortu eta urte betera beraien lehen diska kaleratu zuten: "Noche de rock and roll". El drogasek "el karajillo hecho disko" bezala definitu zuen.

Handik gutxira (1984) hasieran bateria zen Mikel hil egin zen; azkar ordezkatu zuten, baina taldeko partaide garrantzitsua zen, eta hurrengo diskako, "Barrio conflictivo"-ko, "Pon esa musica de nuevo" kanta berari eskeini zioten. Urte berean Nafarroako talde onena bezala kalifikatu zuten.

1986-an, beraien hirugarren diska, "No hay tregua" disko-etxe internazional batekin kaleratu nahi izan zuten, baina disko-etxe horrek 8 kanta zentsuratu nahi izan zizkien, eta azkenik baste disko-etxe baten bidez diskoa zentsurarik gabe kaleratu zen.

Hurrengo urtean disko-etxez aldatu zuten, disko berria kaleratzeko, "No sé qué hacer contigo", baina disko honetan "Bahía de Pasaia" kanta zentsuratu zitzaien, El Drogasen lagun baten eta beste hiruren hilketetaz baitzihoan.

1988-an, ikusten dugunez Barricada taldeak deskantsurik ez du hartzen, 5. diska kaleratu zuten : "Rojo". Jasotako kritikengatik disko baloratuena eta osatuena izan zen. 1989-an berriz "Pasión por el ruido" diska kaleratu zuten, "En nombre de Dios" kanta gabe, Opus Dei kritikatzen zuen kanta.

Hurrengo urtean "Doble directo" diskarekin, kontzertuetako kantak, Urrezko Diskoa saria jaso zuten. Hurrengo bi diskengatik Platinosko diskoa saria jaso zuten, 1991. urteko "Por instinto" eta 1992-ko "Balas blancas"-engatik hain zuzen ere.

1994-ean musika estiloa pixka bat aldatzea erabaki zuten, eta hortik "La araña" sortu zen, baina salmentak asko gutxitu ziren orduan.

Ordutik beste hainbat diska atera dituzte, gaur egunera iritsi arte. Beraien azken diska 2009 an kaleratu dute, "La tierra está sorda". Diska hau taldearen bitxienetako dugu, diska hau, bere osotasunean Gerra Zibilari buruz dihoa, eta honetarako El Drogasek hainbat liburu irakurri, bando galtzailetik bizirik dirauten hainbat pertsona elkarrizketatu zituen etab., eta hortik sortu da "La tierra está sorda", diska-liburu bat euskal eta espainiar historia azaltzen duten 18 kantuz osatua.

Guztira Barricadak 21 diska kaleratu ditu, hurrengo hauek direnak:

Noche de Rock&Roll, 1983
Barrio conflictivo, 1985
No hay tregua, 1986
No sé qué hacer contigo, 1987
Rojo, 1988
Pasión por el ruido, 1989
Barricada (álbum), (Doble directo), 1990 (Disco de Oro)
Barricada 83–85, 1990
Por instinto, 1991 (Disco de Platino)
Balas blancas, 1992 (Disco de Platino)
La araña, 1994 (Disco de Oro)
Los singles, 1995
Insolencia, 1996
Salud y rocanrol, (directo), 1997
Acción directa, 2000
Bésame, 2002
Hombre mate hombre, 2004
Latidos y mordiscos, (doble directo), 2006
25 años de rocanrol, (2 CD + 2 DVD), 2008
Otra noche sin dormir (CD + 2 DVD con Rosendo y Aurora Beltrán), 2008
La tierra está sorda, (CD + Libro), 2009

Hona hemen "No hay tregua" kantuaren letra:

Es el juego del gato y el ratón

tus mejores años clandestinidad

no es muy difícil claudicar

esto empieza a ser un laberinto

¿Donde está la salida?

Estas asustado, tu vida va en ello

pero alguien debe tirar de gatillo.

Tu infantil sueño de loco

no es respuesta demencial

este juego ha terminado

mucho antes de empezar.

Anónimo luchador

nunca tendrán las armas la razón

pero cuando se aprende a llorar por algo

también se aprende a defenderlo.

Estas asustado, tu vida va en ello

pero alguien debe tirar de gatillo.

BALDIN BADA

Hurrengo talde hau Irunen sortu zen, 1986-n, Euskal Rock Radikalaren babespean. Lehenago aipatutako egoeragatik, Baldin Bada taldeak herriarekiko kezka, euskararekiko kezka azaldu zituen. Punk gogorra egiten hasi zen, baina denborarekin Ska musika eta HardCore-arena azaltzen joan ziren. Erritmo benetan biziak, eta Ska sartu zutenean oso martxosoa. Aurrerago beraien musika garatu egin zen, eta beste hainbat estilo landu zituzten, horien artean Funk-metala, Reggae-a, eta Thrash-a.

Katu-Ahotsa eta gitarra

Santi-Baxua eta koruak

Dani-Gitarra eta koruak

Kandi-Teklatua

Iban-Bateria

Taldean lehenago egondako taldekideak

Roberto-Bateria

Mattin-Bateria

Edorta-Baxua

Jorge(2 aldiz)-Gitarra

Oskar-Gitarra

Itxaso-Koruak

Perkins-Koruak

Euskal Rock Radikalaren barruan kalitate oso altuko musika egiten zuen taldea zen, eta beraien hainbat kanta historiara pasa dira, adibidez: Ibilaldia (Zirt-Zart), Baldin Bada, Gernika Koka-Kola eta beste hainbat.

Gai aldetik, kanten letrak entzunez oso argi geratzen da beraien jarrera. Letretan borroka sozial nahiz politikoa, krisiak sortutako langabezia, atxiloketak, biolentzia eta Hirugarren Mundua ageri dira, eta polizia, gobernatzaileak etab. kritikatu.

Lau diska atera zituzten, zein baino zein hobea, baina hirugarren diskan, Lurralde kolpatuak-en, omen dago guztiaren gakoa, dena ulertzeko behar dena. Horretaz gain Badin Badak indar errepresibo ezberdinak bereiztu zituen, Txapelgorriak eta Maderoak.

Hamar urtez egon zen Baldin Bada oholtza gainean, baina azkenean banantzeko ordua iritsi zitzaien (1996-an). Honela Baldin Badak lau diska utzi zituen grabatuta, eta taldekideak talde ezberdinetan sartu ziren, hala nola, Su Ta Gar, The Lumbreras Brothers eta Sustraia.

Diskak

Lur azpian bukatuko duzue - Oihuka diskoetxeareakin 1986-an.

Baldin Bada - Oihuka, 1989

Lurralde kolpatuak - Oihuka, 1991

Erraien iraultza - Esan Ozenki, 1995

Hona hemen Baldin Bada kantaren letra:

Aurrera filmetako gidariak!

Aurrera akademiako agintariak!

Aurrera koilare desberdineko txakurrak!

Ondo neurtu gelditzen zaizun bizi txikia!

Bizi nahi dut ahal baldin bada

Gaizki sentitzen naiz!

Gaizki sentitzen naiz!

Negar egin nahi dut eta ezin

Oihu egin nahi dut eta debekatua

Maitatu nahi dut eta ez didate uzten

Borroka ez dut nahi baina beharrezkoa da

Hiltzea nahi izango nuke baina une berean

Bizi nahi dut ahal baldin bada.

BAP!!

BAP!! (Brigada Anti Polizialak!!) 1984-ean Andoainen sortu zen musika taldea izan zen. HC PUNK-a (Hard Core Punka) lantzen hasi ziren, Euskal Herri guztian lehenak musika estilo sortu berri hau lantzen. Hasieran trakets ibili ziren musika estilo honetan, baina denborarekin, esperientzia irabazi ahala beraien estiloa gehiago definitzen hasi zen. Gaur egun euskal HC PUNK-aren sortzaile bezala dira ezagunak.

Eneko Abrego-Ahotsa

Txanpi-Bateria (1984-1989)

Jomes-Gitarra

Drake-Baxua

Mikel Abrego-Bateria (1989-1996)

BAP!! taldea, sorreratik Andoaingo Gaztetxearekin lotuta egon zen, taldeak gaztetxeari eta gaztetxeak taldeari asko lagunduz.

1984-ean, taldea sortu zenean, Eneko Abregok, Txanpik, Jomesek eta Drakek osatzen zuten taldea. Denak esperientzia musikal oso baxukoak edo esperientzia gabeak. Segituan sartu ziren Euskal Rock Radikala izeneko mugimenduan, baina beraiek hasieratik aitortu zuten mugimendu honekin zerikusirik ez zutela izan nahi. Beraiek taldeei honelako tratu kapitalista ematearen aurka zeuden, Ingalaterran sortu zen beste mugimendu baten aldekoagoak zirela esan daiteke, filosofia berri baten jarraitzaileak: DIY filosofiarena (Do It Yourself).

Denborarekin beraien musika eboluzionatzen joan zen, melodia gehiago zuten, eta musika talde desberdinen eragina nabaria zen, horretaz gain gehien bat gazteleraz abestetik euskeraz soilik abestera pasa ziren. Honela 1986-an lehen maketa grabatu zuten, eta kontzertuetan saldu.

Maketaren izen "Babarrun ta Aza Popularra" izan zen. Maketa grabatzeaz gain beraien lehen lau kanta ofizialak grabatu zituzten "Kondenados a luchar" bildumarako, beste hainbat talderekin batera.

Urte berean beraien lehen diskoa kaleratu zuten "Bide huts eta etxe huts"

1989-an Txanpik taldea utzi zuen, eta Mikel Abregok, Enekoren anaiak, ordezkatu zuen taldean. Mikel Abrego, BAP!! taldean aritzeaz gain, Negu Gorriak-en aritzen zen, eta honek bi taldeen arteko koordinazioa eta laguntza eratu zuen. Horrek demostratu zuen Mikel Abrego esperientzia musikal handiagokoa zela, eta beraien hurrengo diskan -"Zuria Beltzez"- nabaritu zen, bateriaren erritmo biziagoagatik, eta aldi berean gainerako taldekideek ere esperientzia irabazi zutenez, musikaren melodia eta aldi berean bizitasuna areagotu zelako.

Euskal Rock Radikalaren espiritua (nolabait esateagatik) bizia zen beraien kantetako letretan, gizartearen kritika egiten zuten, behin baino gehiagotan beraien herriko alkatea, armada, garaiko krisiaren eragileak (politikariak) etab. kritikatuz.

Beraien azkeneko diska 1994-an kaleratu zuten, "Lehertzeko garaia". Disko honek oso kritika onak jaso zituen, ordurarte grabatu zuten diskarik onena omen zen. Kanten konposaketak askoz landuagoak ziren, eta Drake eta Jomesen esperientziak izugarri hobetu zuen musikaren kalitatea, eta bi horiek sortutako erritmoa estatu (Espainia) mailan ezaguna izan zen.

Zoritxarrez, hasiera duen guztiak amaiera du, eta BAP!! taldea 1996-an banadu zen, 12 urteko talde baten historia guztia "Ta bestela ondo?" izeneko bideo batean dokumental gisa grabatuz.

Gainera, 2003-an "Bazen" izeneko beste DVD/diska bat kaleratu zuten, azkeneko kontzertuko (Andoaindo Gaztetxean) irudiak, maketa remasterizatua, Batman filmaren "Bapman" parodia eta beste hainbat kantu eta bideorekin.

Diskak:

-Babarrun ta Aza Popularra (maketa)

-Bide huts eta etxe huts (Basati diskak diskoetxearekin)

-Zuria beltzez (Basati diskak)

-Lehertzeko garaia (Esan Ozenki, Muguruza anaien diskoetxearekin)

-Ta bestela ondo? (Esan Ozenki)

-Bazen (Metak diskoetxearekin)

Hala ere "Bide huts eta etxe huts" eta "Zuria beltzez" diskak Esan Ozenkik birkaleratu zituen disko bakar batean.

Parte hartutako bildumetan abestutako kantuak:

Rock Anti-Mili - "Juventud engañada"

Txerokee, Mikel Laboaren kantak - "Gogo eta gorputzaren zilbor hesteak"

Esan Ozenki - "Beste aldean"

Independentzia 5 urtez - "HIES"

Independentzia 10 urtez - "Teknifikatu gabeko bizi arnasak"

AHT-aren aurkako diskan - "Piztiekin"

Egin egunkariaren mugimendu honi buruzko bilduman - "Atzera Begira"

Nire iritziz Euskal Herriko historia musikalak eman duen talderik bikainetakoa da, eta pena da desagertzea. Gainera gomendatuko nuke diskaren bat EROSTEA, HC PUNK-aren jarraitzaile bazara ez zaizu damutuko eta.

Hona Atzera Begira-ren letra:

milaka preso

kartzela mila

gaude oraintxe galduta

horrek inoiz ez du esan nahi

gaudela menperatuta

egurrak latzakBortxakeriak...

hartan aspaldi ohituta

berrogei urte pasatu dira

zapaldu nahiez ostika

gero denontzat

poza eta festa

"demokrazia" iritsi zen

askatasuna, pakea legez

denon ahotan entzun zen

gaur gure herria

berdin dihoa

ez du inoiz nortea galtzen?

errefuxiatu

preso guztiak

gure artean bizi arte!!!

AURKEZPENA

KAXO DANOI!!

Blog hau sortu det Euskal Herrian izan zen mugimendu oso garrantzitsu bat aurkezteko, nahiz eta gaur egun aski ezaguna izan. Mugimendu hau Euskal Rock Radikala izan zen, 80-ko hamarkada hasieratik 90-eko erdirarte iraun zuen mugimendu musikala.

Mugimendu hau ez zen erreala izan, Egin egunkariaren estrategia baizik, diru gehiago irabazteko. Eginek aukera ederra zuen dirua egiteko, eta talde horiek guztiek komertzializatu egin zituen. Hala ere taldeek beraien nortasuna mantendu zuten, eta "Euskal Rock Radikala" izeneko mugimendua faltsutu zuten.

Mugimendu hau faltsua izan harren onartu behar da taldeen artean sentimendu berri bat sortu zela. Kantu berrien gaiak gizartearen kritika bortitz bat egiteko erabili ziren, modu desberdinean, Bob Marley-ek sortu zuen kritika musika euskaldunduz eta beste musika estiloetara zabalduz. Estilo ohikoenak PUNK-a, SKA eta ROCK-a izan ziren, garai hartan ingalaterran sortutako mugimenduak.

Garai horiek oso gogorrak izan ziren, alde batetik krisia zegoen, bestetik Estatu Batuen tirania, eta Espainian bertan Francisco Franco diktadorea hil berri zen. Francoren heriotzak ekarri zuen arazoa zen batik bat gizartearen aurkako kritika egiteko, izan ere pauso gogorra izan zen Espainiarentzat estatu diktatoriala izatetik estatu "demokratikoa" izatera. Garai hau TRANSIZIO garaia izan zen.

Transizio garaian, Euskal lurraldeetan, euskararekiko kezka, abertzaletasuna, eta estatu burujabe izateko desioa biziki piztu zen. Honek hainbat manifestalditara eraman zituen abertzaleak, eta manifestaldietan Guardia Zibilek bere euskaldunekiko gorrotoa porra, eskupeta edo pistola baten bidez deskargatzen zuten. Honek areagotu egiten zuen poliziarekiko gorrotoa, eta azkenean amaigabeko borroka batean bukatu zuen.

Guzti honetaz gain, Frankismo garaian sortutako borroka armatuak berean jarraitu zuen, Euskadiren burujabetasunagatik borrokatzen, eta 80-ko hamarkadan sortu zen honen aurkako PSOE-ren erakunde bat, "terrorismo de estado" deritzona: GAL.

GAL: ETA-ri aurre egiteko erakundea izan zen. Bere lehenengo biktimek ezagutarazi zuten: Joxean Lasa eta Joxeina Zabala. GAL-ek iparraldeko Euskal lurraldetan atentatzen zuen gehien, eta 25 hilketa eta 15 zauritu egotzi zaizkio, horietatik gutxi batzuk ETA-rekin zerikusirik ez zutena.

Orain arte azaldutako egoera politiko, sozial, ekonomiko eta biolento honetan sortu zen 80-ko hamarkadan Euskal Rock Radikala. Lehenago esan bezala gizarteari kritika egiteko sortu ziren taldeak sartzen ziren zaku horretan, 23 talde. Taldeak maiz Estatua, polizia, monarkia, eliza eta armadari egiten zioten eraso (kantuez), eta aurrerakuntza sozial askoren aldekoak ziren, horien artean Euskal gazteria aurrera ateratzearen aldekoa, Gaztetxeen aldekoa eta askotan kooperatzailek, okupazioa...

Hauek dira Euskal Rock Radikaleko taldeak:

BAP!! (HC PUNK)

Baldin Bada (PUNK/SKA)
Barricada (HC)
Cicatriz (Oi!)
Delirium Tremens (ROCK)
Eskorbuto (PUNK)
Hertzainak (ROCK)
Jotakie (ROCK)
Korroskada (PUNK/SKA)
Kortatu (PUNK/SKA)
La polla records (PUNK)
M.C.D. (PUNK)
RIP (Oi!)
Potato (REGGAE/SKA)
Tijuana in blue (PUNK)
Txorromorro (ROCK/SKA)
Skalope (PUNK/SKA)
Vomito (PUNK)
Vulpess (PUNK)
Zarama (PUNK)
Zarrapo (ROCK/PUNK)
Zer bizio? (PUNK/SKA/HEVY METAL)
Fiebre (PUNK/SKA)